梁漢文任摸唔嬲 澳門騷成手葡撻

梁漢文前晚在澳門舉行演唱會時大晒肌肉，又換上露髀爆肌開衩裝，結果好友張衞健等對他連環「抽水」，摸勻全身！

前晚舉行處男澳門演唱會的梁漢文（Edmond），穿上金色緊身衫出場時大騷肌肉，男人味十足！其後他換上3吋高踭皮鞋，並坦言未有試鞋，落樓梯時一度失重心，險釀意外，他拍拍心口說：「原來咁高o架？」

Dicky上台突襲

Edmond好友張衞健（Dicky）等亦專程捧場，更為他送上「驚喜」！Edmond在台上拆禮物時大叫：「咁核突嘅！咩嚟o架？」事緣Dicky等將葡撻及豬扒等美食放入其衫袋，被惡搞的Edmond更滿手撻碎，要工作人員即場清理。在Encore環節，他換了一套露髀露腰的性感歌衫，Dicky上台對他上下其手突襲，摸大髀兼狂掃腹肌，並說：「佢真係有六舊！」

Edmond完騷後說：「佢哋真係摸得好深入，不過冇所謂啦！大家都見慣見熟！『小Edmond』有冇被摸？）哈哈！咁又冇！」