黃榕有稚氣 Clubbing被疑唔夠秤

「超齡模」黃榕年屆31歲仍Keep得一副童顏及Fit爆身材，絕對不遜一眾90後模特兒，最近她到夜店耍樂被查身份證，懷疑她未夠秤！

現年31歲的性感女星黃榕（Gloria）今年推出第二本個人寫真，惡鬥多名後生她十年的模，依然「峰」頭不減，她自信保養得宜冇破綻，勢要挑戰「不老的傳說」！

力保上圍堅挺

一副童顏的Gloria直言由小到大都有此優勢，最近仍被懷疑未夠18歲，非常誇張！她說：「前排去Clubbing個保安Check我身份證，可能佢係外籍人士唔認得我，又唔識分我哋啲年紀，我都沾沾自喜o架！」她笑言沒有花錢買補品養顏，保養之道是保持開朗及多做美容，最近一年亦開始護理咪咪：「每星期會去做Facial，近一年開始擔心胸部下垂，所以做多咗人手推胸，令上圍堅挺啲。」她更是食極唔肥，即使每日狂擦高熱量食物，依然不長肥肉，令身邊姊妹十分妒忌。

除了外貌，Gloria思想仍保持稚氣：「收到毛公仔仲會開心，床單都係卡通人物，好多擺設係粉紅色。（性感喱士睡衣？）唔多，反而會着卡通Tee瞓覺。」

Profile

姓名：黃榕（Gloria）

年齡：31歲

身高：1米60

體重：42kg

三圍：32C、23、33

簡歷：大膽言行出位，主要擔任模特兒及客串電影，今年寫真內容大玩森林剝光豬，令人嘩然。