陸永帽子戲法惡性循環
向來是潮流界代表的組合農夫，將潮流文化融入日常衣着，對Mix & Match當然有一手！講到最愛，成員陸永笑笑口說：「梗係老婆同個女啦！當然仲有帽！平時出街唔想整頭咪戴帽囉！（M字額？）我發覺係惡性循環，初頭因為戴帽而M字額，後尾因為M字額而戴帽！」家藏近百帽的他強調一定要戴兩頂棒球帽，還要保留帽面的金色招紙才算型！
至於另一成員C君自爆自小便愛上日本漫畫《One Piece》，今年更大花幾萬元添購珍藏品：「熱血囉！中學時瘋狂到上堂睇，仲儲飾物、電話殼，淨係漫畫都幾千蚊，不過有啲係粉絲送！我好想去台灣個展覽，聽聞嗰度成條村都以《One Piece》為主題！嚟緊會去多次台灣，今次純粹為佢而去！」
陸永（左）愛帽、C君愛漫畫，兩兄弟唔會爭嘢玩啦！