拍拖慳得就慳陳豪搵夠即娶茵媺
近日娛樂圈喜事重重，陳豪前晚自爆積極搵銀，希望盡快娶得美人歸，相信陳茵媺定必甜到爆！
陳豪及台灣女星陳妍希前晚擔任頒獎禮大使，早前被拍到與女友陳茵媺撐枱腳的陳豪，澄清當日只是出席好友的生日飯局：「我份人好低調，鍾意二人世界，不過冇理由成日匿喺屋企o架！」問到可有打算包場二人世界？他笑說：「我拍拖好經濟，要慳啲！（儲錢結婚？）係呀！我依家努力緊，一儲夠就即刻求婚，不過仲有一段距離！」
陳妍希望有男友
近期娛樂圈都興玩「一人一票」，問到若實行票選視帝，可有信心當選？陳豪說：「邊個得獎都開心！」至於陳妍希最近得化妝師教講廣東話，但她希望有男友親身教。問到好友柯震東與蕭亞軒的戀情？她說：「蠻好吧？祝福他們！」
陳茵媺獲陳豪公開派定心丸，大可揀定婚紗啦！ （資料圖片）
陳豪揚言儲夠錢，便會向女友求婚。
陳妍希勤學廣東話，方便與香港粉絲溝通。