鎮宇日日鬧吳卓羲
《衝II》另一主角吳鎮宇，前晚為名酒晚宴擔任揭幕嘉賓，他自言喜歡喝酒，年輕時更會喝醉：「依家冇力醉啦！覺得好似好冇意義，好浪費時間！」
早前有指無綫小生吳卓羲受感情問題影響拍《衝II》的情緒，因而惹同劇的鎮宇不滿，鎮宇解釋：「從來冇不滿！我哋係咁樣玩，佢做咩都會畀我話，我差唔多日日都鬧佢一次，男人係咁！（佢同你傾心事？）咁多單嘢，佢都煩啦！不過我諗佢見到我都會好開心！」至於被指埋怨《衝II》拍攝過程不順利，鎮宇笑說：「邊有拍戲會順利o架？香港嘅地理環境呀、颱風呀、人事變動呀，又點會順利呢？」
「Sam哥」鎮宇Chok晒出席晚宴，並否認不滿吳卓羲。
張智霖與胡杏兒前晚到中環拍《衝II》外景，獲途人請食小吃。