馮曦妤懶得「滬」住個胃 擦盡勁爆美食
歌手馮曦妤（Fiona）早前到上海參加比賽，於當地逗留一段時間，自言愛吃的她滔滔不絕地介紹當地美食：「去上海當然唔少得小籠包啦！好食過香港好多，而且仲好抵食！」提到最愛的食店，Fiona表示非「老吉士」莫屬：「嗰度係食上海菜，佢哋嘅醉蟹勁爆好食！因為一定要訂位先有得食，嗰晚我哋9點一比賽完就打去訂位，之後即刻搭的士去食！」原來老闆曾極力推介另一美食—橙汁冬瓜，可惜她當時感冒，未能一嘗。Fiona又大讚當地景色漂亮：「外灘好靚，覺得好似去咗巴黎咁！」她又讚當地的司機非常好人：「佢哋好好笑容，而且會帶我哋搵嘢食，仲主動話收少啲錢！」
難得訂到位，Fiona當然要在「老吉士」盡情擦正宗上海菜。
Fiona話齋，去上海，當然不少得小籠包！