泳兒前晚出席新碟發布會，並請得組合人山人海到場助陣，她說：「第一次同人山人海合作，好鍾意以小型音樂會形式做發布會。」最近備受氣管問題困擾的她表示演出有壓力：「近半年都有氣管問題，可能食得藥多，搞到個人反應慢咗，驚到時會記唔到歌詞，呢排為咗個騷轉食中藥，依家見到中藥都想嘔！」她又忙於返內地拍劇及綵排舞台劇，工作多多，連拍拖時間也沒有：「成兩個禮拜冇放過假，男朋友幾日冇見過，佢依家又出咗埠做嘢，但少啲見都好嘅！」
好耐冇放假的泳兒大呻冇得見男友。
