朱千雪膺民意冠軍　

出爐港姐季軍朱千雪一直被指因無綫在港姐競選當晚冧Server，令普選不成才屈居季軍，昨晚在一項觀眾票選港姐冠軍投票中，她以七成民意高票拋離冠軍張名雅及亞軍黃心穎，躍登民意港姐冠軍，終於沉冤得「雪」。

應屆港姐冠軍張名雅、亞軍黃心穎及季軍朱千雪自當選後，坊間不斷傳出不滿賽果的聲音，並要求無綫重選，now TV見機不可失，前晚八時起至昨晚七時接受用戶透過遙控器投票選冠軍，結果得票百分比依次為朱千雪38%、黃心穎36%、張名雅15%，而有11%投棄票。now更在社交網站設立「一人一留言，選出真港姐」活動，朱千雪獲70%網友留言支持，大大拋離21%的黃心穎及9%的張名雅，P:朱千雪這位「民意冠軍」終吐氣揚眉。

朱千雪昨日出席活動，對於在now投票中奪冠，她說：「決賽後有咁嘅賽果已經好滿足，好開心咁多人支持。（想民意力量推翻賽果？）冇咁嘅需要，評判選得係實至名歸。（見到張名雅感尷尬？）唔會，我哋三個係好朋友，相處好好。佢都好畀心機做嘢！」而張名雅坦言不快：「港姐已經圓滿結束，再講都冇意思，有少少唔開心。（你不得民心？）冇法，惟有做好自己，希望觀眾畀時間去了解我。（嬲朱千雪？）唔會，大家係好朋友。」對有傳四度整容，她說：「冇整過，個樣似爸爸！」至於曾誇口若觀眾票選會贏冠軍的黃心穎，對普選依然與冠軍無緣，她說：「點都冇變，但搞票選都幾得意。（輿論只講張名雅同朱千雪，忽略你？）唔諗咁多。」

有信心名車送得出

無綫外事部副總監曾醒明昨日對周日抽獎送出兩部名車信心十足，他說：「今次系統安全，事前登記有足夠時間。」而力撐張名雅的黎耀祥昨日與唐詩詠出席活動時說：「審美見仁見智，最緊要公平，一少撮人唔代表全港，某機構搞投票唔夠全面，唔好畀壓力啲港姐，張名雅幾靚，朱千雪OK。（鼓勵張名雅？）當然會，佢瓜子口面，好啱拍古裝，估佢遲啲會入戲劇組，佢紅咗記得關照我，請我飲茶呀！」另外，無綫昨日宣布正式委任香港羅兵咸永道有限公司負責港姐的調查工作，羅兵咸永道將於一個月內向無綫提交調查報告。