現今醫學昌明，但整容風險是否代表減低呢？家庭醫生關嘉美表示現今流行打透明質酸進行整形，如在唇部注射透明質酸，達致豐滿效果，但其實存在一定風險：「喺個嘴注射透明質酸，可能會入菌引致發炎，甚至會引起物質過敏令個嘴腫晒！同埋呢個方法只可以維持到三至六個月，要經常Keep住打。」問到打透明質酸後是否需要休息？關醫生說：「其實都唔需要，但預咗頭幾日會好痛，同埋食流質食物就得啦！」