羅鈞滿（Moon）唱歌出身，入行前參與多個歌唱比賽，並得到不錯的成績，不過最終反而做了演員，他說：「試過喺唱片公司試音失準，失落咗做歌手嘅機會！」不過並沒影響他入行的決心：「見公司開藝員訓練班，諗起林峯同吳卓羲入咗無綫後都有得唱歌，想好似佢哋咁！」他曾於劇集《天與地》飾演少年鼓佬一角，使其音樂才華被發掘，讓他有更多機會唱歌。當提到網民大讚其歌藝時，他即笑逐顏開：「一直以嚟都擺好多時間喺唱歌度，好開心網民有聽我嘅歌聲！」
羅鈞滿（左）因參演《天》劇而被發現「唱得」一面！（資料圖片）
熱愛唱歌的羅鈞滿，以拍劇為歌唱事業的踏腳石。
