Dominic讚Linah好咀

日模松岡李那（Linah）與周秀娜師弟何浩文（Dominic）因拍攝《喜愛夜蒲2》成好友，戲內外都Friend到爆。Dominic已名草有主，但他仍不避嫌與Linah玩到癲，並大讚︰「啲人話日本多靚女，我就話大部分嚟咗香港，佢就係其中一個。」他亦不怕傳緋聞︰「但只限戲內過電，而且拍咀戲前都有同女友報案，唔怕佢會誤會！」

戲中兩人演繹純真愛情，只有一場咀戲，相比戲中其他演員的「動作戲」遜色不少，但他倆不介意。Linah談及拍咀戲時似乎非常回味︰「呢場戲都幾浪漫，我都好滿意效果。」Dominic則說︰「佢邊錫邊笑，但我都唔知佢笑乜，搞到拍咗幾次，雖然冇乜感覺，但佢都幾好咀。」

Dominic與Linah非常老友，經常玩到癲，但不怕傳緋聞。