「玩伴」Kary有着落 林德信甩難

林子祥兒子林德信（Alex）經常吸引不少異性埋身，加上緋聞舊愛吳雨霏與網球王子洪立熙翻撻，變相令Alex「甩難」！問到現時有否心儀女生？他說：「唔知呢！」

出道至今，「Lam仔」林德信予人靚仔溫文感覺，說話陰聲細氣，但原來他亦有「躁爆」一面：「我發脾氣時講嘢會好大聲，同我好熟嘅朋友會領教過，佢哋話我惡起上嚟時真係好惡！（自覺靚仔？）個人係有信心啲嘅，但其實好多演員雖然未必好靚仔，但都好Charm（有魅力）。」

Lam讚新歌好聽

Alex將推出處男EP，問到對角逐新人獎是否有信心？他說：「唔會睇得太重，亦唔會太緊張同擔心，我仲有好多嘢學緊。」雖已有一定演出經驗，但他表示仍有進步空間。問到父親林子祥（阿Lam）有否聽其新碟歌曲？Alex說：「佢覺得《Magic》呢首歌幾好。」對於經常被稱為「Lam仔」，Alex表示不介意：「咁呢個係我身份，我好Proud of呢個名，唔會介意，而且我啱啱出道，好多人未必聽過我唱歌，但相信有一日外界會慢慢叫我做Alex。」

拒談心儀對象

談到緋聞舊愛吳雨霏（Kary）與網球王子洪立熙翻撻，會否有甩難感覺？Alex說：「唔知呀！冇特別留意新聞點寫，我同Kary係好好朋友，經常一齊玩。（怕狗仔隊？）都驚o架！呢排畀好多人跟，但我見到鏡頭都會好Nice咁揮手。」問到感情現況，可有心儀女生？他故弄玄虛的說：「唔知呢！努力做好工作先。」