李悅彤最記仇

「四葉女」出身的女歌手李悅彤最近忙於籌備以星座為題材的新歌，篤信星座的她自認是記仇的天蠍女，揀男友都要先夾星座！

曾擔任「四葉女」及「Sing之天使」中「檸檬」的女歌手李悅彤（Liddy）今年全力出擊，近月忙於錄歌、演舞台劇及拍劇等，即將推出的新歌講述星座愛情觀，並會拍成微電影。本身是天蠍座的她神婆上身，高呼與該星座性格配合，一樣是外冷內熱及記仇：「我唔係小器，係記得人哋對我好，同埋畀經驗我。入行後都有好多鍛煉，以前比較悲觀，但依家EQ訓練到高咗！（揀男友？）都要睇星座，最夾係雙魚、巨蟹、天蠍、處女，如果係呢幾個座，我雙眼會盯一下，會留意多啲個男仔。」

自嘲上圍冇料到

對於不少女星靠露肉搶鏡，一心行型格路線的Liddy自嘲「冇料可晒」，只得手心上的事業線可露，更狂數對身材不滿之處：「腳唔夠長，上圍唔夠豐滿，又有Bye Bye肉，總之頸以下都不滿，不過我希望用第二啲方法吸引人目光！」她透露有份客串電影《喜愛夜蒲2》，飾演關楚耀及孫耀威的同事，戴上小雲眼鏡，不用性感夜蒲。對於不夠搶眼，她笑說：「有時包到冚先令人有遐想呀！」

不過，早前Liddy為拍攝電影Demo展現性感一面，扮演艷舞女郎，穿上魚網絲襪及化濃妝，沒有騷事業線一樣夠煞食！問到會否介意露更多？她笑言正等待一位「獨具慧眼」的導演：「如果佢見到我仲覺得我可以性感，我都冇問題o架！」