羅仲謙約楊怡慶生日

藝人羅仲謙正值事業衝刺期，昨日是緋聞女友楊怡的生日，但謙仔因要趕拍劇集和出席活動，沒有與楊怡慶祝。談到楊怡想收戒指，他笑說：「唔使。」

藝員楊怡昨日（30日）生日，緋聞男友羅仲謙前晚通宵拍攝《衝上雲霄II》後，昨日再出席活動。問到羅仲謙是否知道昨日（30日）是甚麼日子，他想也不想便答「楊怡生日」，記者笑言只想問他是否知道昨日是農曆七月十四，謙仔即時一臉尷尬。問到如何與楊怡慶生辰，他表示有傳短訊祝生日快樂，亦會請她吃飯，但要再夾時間。問到是否燭光晚餐？他說：「唔係，我鍾意熱鬧一班人，但最終都會由壽星女話事啦！（親自下廚？）好主意但我好少。」談到楊怡想收戒指，他說：「唔使。睇新聞佢唔係咁講喎！行街睇到適合嘅未必等生日，禮貌上買份禮物都係好事。」

通宵趕戲

羅仲謙透露本月28日生日時在《衝上雲霄II》的劇組中與同事一起度過：「呢三日瞓得五個鐘。（同楊怡補祝？）有假期都瞓覺啦！我唔鍾意人哋同我慶祝，勞煩到人唔好意思。（楊怡唔係咁諗）如果佢請我食飯我食o架！」而謙仔昨日凌晨在機場拍攝《衝》劇，他透露生日時收到楊怡的祝賀，雖然未收禮物但會問對方，卻表示不會有Birthday Kiss。另外，有指吳卓羲在《衝》劇中未能專心演出而令吳鎮宇扯火，而昨日所見吳卓羲似乎真的有點心不在焉。