無綫送車起孖補鑊
港姐一人一票選冠軍因冧Server爛尾，加上抽獎名車未能送出，全城鬧爆！無綫集團總經理李寶安、業務總經理鄭善強及非戲劇製作總監余詠珊昨日舉行記者會作出交代，李寶安表示獎品名車將加碼至兩部，並會在周日播出的《慧妍愛心傾城30年》中加插「2012香港小姐全民參與獎名車」環節以抽獎形式送出，市民須事前到TVBfun或tvb.com登記。他承認事件令市民失望，會加碼送車是兌現送獎品承諾，但否認有人須為事件負責，又指會聘請獨立公司調查事件：「有調查報告後先決定係咪要報案！」他否認無綫因慳錢而令網絡保安出現問題。至於余詠珊不諱言低估了節目與遊戲掛鈎的觀眾反應。
此外，無綫新老闆陳國強昨晚出席倫奧慰勞宴，但未有發言，而無綫行政主席梁乃鵬在台上說：「同事們辛苦了！我係模仿毛主席講嘢，帶出TVB宗旨係為市民服務，做奧運係蝕錢但係都會做。（港姐投票網絡癱瘓？）經一事長一智。」
鄭善強（左起）、李寶安及余詠珊為民選爛尾解畫。
無綫加碼送夠兩部名車，為「爛尾事件」降溫。