萬綺雯唔夠瞓玩飄移
郭晉安與萬綺雯昨日凌晨拍完通宵戲後，隨即轉到迪士尼樂園繼續趕拍劇集《老表，你好嘢！》。安仔與萬綺雯均一臉倦容，原來安仔已有48小時沒睡覺，他坦言近十年也未試過如此緊密拍攝，問到可有向監製反映？他說：「都有，其實監製已經好體諒！呢幾日連屋企都趕唔切返，見唔到個仔。佢呢排見我都問『聽日你又返工呀？』天氣熱又多動作戲，真係好攰好辛苦，今朝見到太陽幾乎暈低！唔敢同個仔講去迪士尼拍嘢，驚佢扭計要嚟！」
而萬綺雯過去三日只睡了45分鐘，她笑言現在行路也腳浮浮似在飄移：「依家練成去到邊瞓到邊，係呢個禮拜趕戲辛苦啲，之前都OK，拍嘢係咁，頂得住嘅，有安仔呢個伴都開心啲！」
捱眼瞓的萬綺雯勉強擠出笑容。
安仔對着在樂園玩得開心的小朋友，依然一副悶樣。