泳兒恨做楊冪咀霆鋒
歌手泳兒、吳浩康、洪卓立及羅力威昨日為電影《消失的子彈》的廣播劇錄音，並公布電影在內地開畫兩周，票房已勁收1.5億元人民幣！劇中聲演女主角楊冪的泳兒，大讚謝霆鋒身形弗爆：「戲入面霆鋒同楊冪有親熱戲，霆鋒個身形幾好！（想做楊冪？）想做戲入面嘅佢！」發了福的吳浩康則聲演男主角霆鋒，他自爆從不為女仔減磅：「之前受傷少咗運動，呢排有去跑步操Fit番！（點追女仔？）肥有肥追，唔會為女仔減肥，只為工作而減！」而問到會否介意與緋聞女友雨僑合作聲演？羅力威說：「要睇公司畀唔畀，我冇咩所謂！」
