王嘉儀裸曬任望

今年攻港的澳洲新八模成員王嘉儀，去到邊都「裸」住曬，更不介意畀人偷(目及)，她揚言除去Top曬太陽只是碎料，最緊要盡情享受！

周秀娜師妹、澳洲新八模成員王嘉儀（Amy）於澳洲長大，熱愛陽光與海灘的她幾乎每星期都曬一曬，難怪擁有一身古銅膚色！她今年攻港出寫真，當然把握機會踏足沙灘歎高溫日光浴。回想起於澳洲曬太陽的日子，Amy驚嘆整個沙灘逼滿比堅尼女郎，部分更除去上身半裸曬番夠本，相反港女對「半裸」甚為抗拒，她說︰「我覺得香港嘅女仔比較保守，見到有人經過就刻意遮一遮，或者着番T-shirt，好少見到有人半裸曬玉背，佢哋好似好驚畀人望到。」

沙灘打擂台

也許港女怕被睇蝕，但Amy不介意於香港沙灘「賣大包」，笑言除去比堅尼Top曬玉背濕濕碎︰「喺澳洲有好多人都會咁做，而且我去沙灘都係曬太陽，如果唔除咗個Top去曬，個背脊有個印就唔靚！着比堅尼去沙灘就預咗畀人望，唔通包到冚去咩？我建議如果覺得尷尬就唔好去沙灘，可以選擇曬太陽燈，咁就唔使畀人望。」

此外，銳意進攻香港影圈的Amy除了愛於沙灘歎日光浴，還笑言把沙灘當作擂台，經常與朋友切磋武藝︰「我當咗沙灘係遊樂場，諗到咩就玩咩，因為我都鍾意功夫，所以成日同朋友打擂台。（長勝將軍？）有贏有輸，但我覺得自己都幾好打！」

Profile

姓名：王嘉儀（Amy）

年齡：21歲

三圍：33B、26、36

身高：1米67

簡歷︰澳洲長大，於當地模界打滾多年，今年加入「澳洲新八模」攻港，與其他女成員推出寫真集。