周麗淇（Niki）昨日拍攝新劇《好心作怪》時，獲拍檔黃智雯及王浩信送上蛋糕預祝33歲生日，由於生日撞正盂蘭節，她打算提前與家人食飯：「年輕人百無禁忌，咁啱都冇辦法。」談及生日願望，她希望不要經常被追問何時拍拖，並承諾遇到穩定對象一定會承認。她還透露歐遊期間沒有艷遇，問到有否失望，她說：「唔會，去到想去嘅地方都開心。（買結婚禮物畀家姐？）冇。（做伴娘？歐洲結婚？）唔知呀！我開緊工，冇度期，都係奉命行事。」
黃智雯（左）與王浩信送上蛋糕及飛吻，為Niki預祝生日。
