伊健明年娶YoYo

鄭伊健與蒙嘉慧（YoYo）終有婚期！前晚伊健在眾好友催婚下，親口承諾明年迎娶YoYo；YoYo亦爆伊健的「求婚過程」已做了一半，「蒙麵戀」終修成正果！

鄭伊健和蒙嘉慧經歷甜蜜的「七年之癢」，近年「蒙麵」婚訊屢傳，早前伊健亦放聲氣承諾會在末日前娶妻，令婚訊甚囂塵上。

前晚伊健舉行演唱會，已連續數晚被錢嘉樂及陳小春等好友當眾逼婚着他「畀番個名分」YoYo的他，是晚父母、女友YoYo、錢嘉樂父母、湯盈盈及導演劉偉強等亦有捧場，「古惑仔」戰友錢嘉樂、陳小春、朱永棠及林曉峰則擔任嘉賓，眾人咬住伊健感情事唔放，繼續逼婚，嘉樂說：「你應承我27號一定會講！」慘遭圍攻的伊健反擊：「係呀！講你結婚嘛！」小春即說：「等我講，但係你唔可以嬲，我哋有請蒙嘉慧……」伊健尷尬叫停，小春則繼續鬧着玩邀請YoYo上台，伊健即說：「我好尊重我嘅舞台，但我同女友嘅事係好私人，我唔鍾意攤開晒畀大家睇，我承認我係一個好浪漫嘅人，唔係點樣唱情歌畀大家聽呢？」此言一出，搞笑地只換來全場歌迷噓爆「回應」。

冧認求婚 「做咗一半」

伊健好友古巨基則以神秘嘉賓身份出場，基仔說：「本來今日我要出席另一個場合，不過下晝監製打畀我，話不如畀個驚喜伊健，仲話佢今晚會宣布請我去飲……」伊健聞言尷尬傻笑，基仔搞爛Gag：「請我去飲慶功宴呀！我唔講結婚兩個字，我講『嘟嘟』，全場跟我講，伊健YoYo『嘟嘟』﹗」伊健笑爆嘴說：「我『嘟嘟』一定請你去飲！」事後伊健再被追問婚期，他終承諾明年迎娶YoYo，並說：「真係好私人嘅事，結咗會講畀大家知，唔會係今年，係出年！但唔講時間地點，係私人事。（有計劃？）唔係一早Plan，要講Feel。」

YoYo昨日接受電話訪問，問到伊健是否已求婚？她忍不住冧爆說：「做咗一半，另一半就得閒先。」對於伊健宣布明年結婚，問她是否很驚喜，她配合男友低調態度，只說：「希望大家將焦點放喺伊健工作，佢好畀心機做嘢，唔希望感情事成焦點。」