台邊向前仆 Eason險再爆蛋

早年在台灣撞爆「蛋蛋」的陳奕迅（Eason），前晚在個唱上險些悲劇重演，嚇到一心想再生B的Eason大叫：「爆埋嗰粒唔得掂！」笑爆全場。

前晚High爆的Eason在個唱上又唱又跳，「安歌」尾聲時，穿上花碌碌運動套裝的他一邊高唱新歌《非禮》，一邊手執迷你攝錄機拍MV，但自覺未唱出水準的他決定重唱，並走近台邊叫朋友幫忙拍片，但不慎失重心向前一仆，幸好沒有失足，他隨即驚呼：「嘩！差啲又爆蛋呀，爆埋嗰粒唔得掂！」令人捧腹大笑。當聽到觀眾大叫減肥時，Eason笑說：「唔係減，要Keep Fit Make Baby！」恨生B恨到出口。

自嘲髀粗躉大

愛「吹水」的他不時搞Gag，自嘲腿粗、樣衰和「籮大」，又扮王菲、張學友及李宗盛，更在逾萬觀眾前大讚太太徐濠縈靚女：「但老婆眼中我個女至靚！」最後玩埋百變天后Lady GaGa：「我仲有咩人未扮過，女人？GaGa使乜扮啫！都唔認得佢，求其喺英國搵個鬼妹都得，GaGa咪鄭融咁嘅樣，但鄭融靚過佢囉！」昨晚他飛往杭州工作，並於前晚表示要去搵食，並坦言愛搵食，因為熱愛唱歌。

另一邊廂，徐濠縈昨日出席活動時透露，有份設計Eason的個唱歌衫，雖然老公投訴歌衫太焗，但不敢逆她意思。對於早前在微博因「沒有禮貌的中國人」言論而被網友攻擊，她直言不想重提舊事。