阿嬌超蓮化敵為友

阿嬌（鍾欣桐）與何鴻燊三房千金超蓮因歌手吳克羣而成「情敵」，阿嬌昨日強調與男方只是工作夥伴，與超蓮則已升呢做好友。

英皇有份投資的電影《葉問—終極一戰》昨日於佛山開工，阿嬌、黃秋生、洪天明、盧惠光及陳小春等現身，眾人在醒獅前合照，場面熱鬧。

阿嬌於片中不乏武打場面，雖曾受傷但過足癮，開拍前亦特別接受詠春師傅冼國林訓練。與台灣歌手吳克羣傳緋聞的她，對於男方另一緋聞女友何超蓮被指形容吳克羣是屬於阿嬌的言論，阿嬌淡定否認，並撐超蓮：「佢都冇講過，超蓮應該會唔開心，佢唔算呢行嘅人，我只係同吳克羣有合作關係，本身同超蓮唔熟，但因為呢件事，網上交流多咗溝通。」而兩女化「情敵」為友，昨日在微博互勉，阿嬌得知超蓮為不實報道抱怨，即留言：「不需要在意，只是我們不認識對方才讓不良新聞有機可乘，不如從現在開始我們交個朋友。」超蓮回覆要私信聯絡阿嬌，免被炒作。

未獲邀「打救」無綫

另外，影帝級的秋生以一身葉問造型亮相，對於曾志偉廣邀圈中老友「回巢」無綫拍劇救亡，秋生笑指對方沒找他，還調皮地說：「佢同無綫咩關係先？（朋友？）咁朋友應該幫。」《葉》片開拍近一個月，秋生透露文戲已完成大半，還讚眾後輩表現不俗：「天明打得好好，阿嬌就好天真，個人簡單，對人好好。」