朱千雪民選贏開巷

張名雅因無綫伺服器「劏機」、改用評判分數而成為港姐冠軍，引爆全城爭議！有網民發起一人一票選港姐群組，結果季軍朱千雪以大比數反敗為勝！

今屆香港小姐決賽三甲原本由觀眾投票選出，不過，由於無綫伺服器「劏機」，最後臨時改由評判選出，賽果受外界質疑，出爐冠軍張名雅更成為眾矢之的！大批網民力撐季軍朱千雪，認為若然是一人一票選舉，朱千雪的表現理應奪冠！有網民更在Facebook發起「強烈要求tbb交代一人一票選港姐網頁問題」群組，至截稿前有逾千網民讚好，群組又發起投票「重選」港姐冠軍，朱千雪獲7百多票支持領先，黃心穎則繼續排第二，相反冠軍張名雅只有百多票排第三。

親友大義滅親

除網民支持朱千雪，連張名雅的舅公張堅庭也大義滅親，認為如果是觀眾投票，張名雅未必是冠軍：「佢攞到冠軍好好彩，如果全民投票就未必攞到冠軍！（張名雅實至名歸？）三甲就OK！我有分析過，朱千雪個樣甜啲着數啲！（開戲畀張名雅？）佢未夠火候，等佢喺無綫浸番5、6年先，希望佢認真學好演技，唔好為咗做明星而入行！」對於無綫「劏機」，他感到十分失望：「依家係敏感時期，無綫政治觸覺不足！」

撐冠軍非豬扒

出爐季軍朱千雪前晚當選後，與岑杏賢同車離開，問到有網民指冠、亞軍是「豬扒」？朱千雪說：「唔係，點會呀？」昨日她出席「TVB傳媒中心啟用典禮」，對於獲網民力撐是冠軍，她表示有人支持已很開心：「由評判選出賽果公平不過，冇必要重選！」佳麗隨後出席領獎活動，旅行社安排大批客戶與她們合照，名副其實變「布景板」。有報料稱無綫為補償朱千雪，將安排她拍劇並與巨星合作，她笑說：「未聽過！如果係真，真係一份好好嘅安慰獎！」至於黃心穎奪亞受質疑，她表示沒有感到不快，問到可贊成重選？她說：「冇問題！」