嘉玲：應尊重評判決定

無綫首推港姐全民投票，最後變成全民狠插，評判劉嘉玲及司儀曾志偉仍出言力撐！嘉玲相信無綫很有誠意搞今次全民票選，她亦下載了Apps投票，對發生意外深感遺憾：「賽果都係我哋五個評判選出嚟，亦相信觀眾眼光係雪亮。（重選？）冇咩可能，就算我唔係評判，亦應該尊重評判決定。」志偉贊成大會統籌經理余詠珊不需負全責：「大家都好畀心機去做，都好呀！好大新聞。（余詠珊太搏？）佢亞視出身，乜都搏！（搵你做總經理？）咁低人工！」不過，被問到出錯是否大笑話時，他亦笑言幾好笑：「功虧一簣，技術人員話得，點知就冧！」

劉嘉玲自言同是受害者，冇得投票贏獎品！

志偉力撐余詠珊，但仍指今次錯誤「幾好笑」。