Art嘢瓣瓣掂 羅泳嫻有畫兒

無綫藝員羅泳嫻多才多藝，動靜皆宜，學習油畫一年多已略有小成，她更希望明年能開個人畫展，公諸同好，朝着藝術家之路進發！

才藝1：繪畫油畫

拍攝過不少無綫劇集的羅泳嫻（Iva），近期所演的角色往往命喪收場，包括《心戰》中的Charlie，《回到三國》中的糜夫人，但其出色演技並沒有因早死而被忽視，反而成為劇中一大亮點，備受讚賞，真是「死出個未來」！

興趣多籮籮的Iva最愛畫畫，她說：「畫畫係最簡單直接表達自己嘅方法，可以幫助大家溝通。」當她執起畫筆便猶如「上身」，完全專注在畫上：「通常阿Sir會畀張相我做樣本，之後就跟住畫。油畫通常要上幾層，油完第一層就要等佢乾，大概一個禮拜後再上第二層，總共要上四層，通常一個月左右完成一幅畫。」

幫蒙娜麗莎整容

習藝一年多的Iva，畫功也許未臻完善，卻靈感爆燈：「阿Sir會教我調色同點落筆，而創意就係靠自己，例如最近嘅作品就模仿達文西，將蒙娜麗莎Crossover梵高，出嚟效果都唔錯，不過有間尺鼻囉！」除了畫功，Iva亦提升了鑑賞力：「油畫可以保存達150年，但都要視乎畫家嘅功力o架！我會努力畫好啲，可能會流傳萬代o架嘛！之前去羅浮宮，入到去一睇就知邊啲係達文西嘅作品，佢啲畫的確別樹一幟，『零舍不同』！」

性格樂天的Iva廣結人緣，不時慫恿其他藝員一起畫畫陶冶性情，徐子珊與楊怡亦曾心動，Iva更自認是畫室「地頭蟲」：「呢度係我嘅私人空間，喺度做乜都得！嚟緊嘅目標係出年可以開到自己嘅畫展，但我資歷尚淺，之前啲作品水準參差，仲要畫多二十幅先夠數！」

才藝2：芭蕾舞伶．入戲

Iva的學習能力相當驚人，除了繪畫油畫外，她只花了數月便學好芭蕾舞，更希望考獲芭蕾舞最高級數，實踐「一係唔做，一做就要做到最好」的目標！至於為何選學芭蕾舞？Iva坦言是為了演戲：「因為之前我拍《耀舞長安》，好多動作都做得好吃力！我就諗點解拍劇要畀跳舞難倒呢？所以揀咗肢體動作多嘅芭蕾舞嚟學。」

才藝3：化妝王后．瀛爆

Iva自小視藝術家為理想，亦曾考入藝術學校，但在家人反對下被迫放棄。早年她放下在無綫的事業，隻身到日本深造美容藝術，後來更獲得日本國際美容大獎，叫一眾日本人折服，三年的深造亦使她練得一口流利日語，還促使她踏向多元藝術家之路！