漏夜撳錢出口落閘 糖妹被困港鐵站

歌手糖妹前晚凌晨時分到港鐵站內提款,離開時發覺出口已拉上閘門,嚇得她以為要於站內就地過夜!

歌唱組合糖兄妹、巨聲幫胡鴻鈞及藝人陳敏之昨日擔任活動大使,大談理財心得。糖妹(黃山怡)自爆瘀事:「尋日喺港鐵站撳錢,可能太夜,走嘅時候發現出口道閘閂咗!」她笑言當時已作好心理準備要在港鐵站過夜:「當時周圍冇晒人,又得番自己一個,今次被困港鐵站都幾有趣。(最後點算?)好彩車站控制室仲有人,我走去問啲職員,原來道閘有個手掣,拉一拉就可以開到,咁我先返到屋企咋!」糖妹如此「驚險」遭遇,身旁的糖兄(潘雲峰)卻邊聽邊偷偷忍笑。

問到即將拉埋天窗的糖兄可有投資儲老婆本?他說:「大家今日咁關照我,日後啲嘢好難講,所以採取低風險投資,但求退休時同老婆都有個保障。」

胡鴻鈞物色「新歡」

而胡鴻鈞則自認屬保守型投資者:「自己唔係好承受到高風險,所以選擇低風險強積金。」問他可有關心失聲緋聞女友林欣彤?他尷尬地說:「有,其他人都有,知佢下個月有騷,希望佢快啲好番。(發展空間?)我同佢過咗氣啦!係時候物色新緋聞女友。」

音樂組

糖妹步上梯級驚見港鐵出口已閂閘,自己嚇自己,以為要於站內宿一宵!

現場圖片

糖兄妹各有投資心得。

胡鴻鈞直認有問候林欣彤。