子善Deep切豬泯恩仇

無綫藝人林子善昨日榮升冰室老闆，獲多位圈中好友捧場，連早前傳不和的吳浩康（Deep）亦現身恭賀，子善即邀Deep切燒豬以粉碎不和傳聞！

林子善與導演鄧東明（Tony）合資逾百萬元在大坑開的冰室昨日開幕，獲大肚周家蔚、苟芸慧、馬國明及苗僑偉夫婦等多位圈中好友撐場，連曾傳不和的Deep亦親身到賀。子善熱情邀請Deep一齊切燒豬，以行動闢謠，但因現場太多人，二人被迫相隔多個身位，未能「掂住手仔」一同切燒豬。

對於被指曾暗示遭子善造謠抹黑，Deep昨日澄清：「從來冇開名講任何人出賣我，純粹係外界猜測。（你哋係好朋友？）係！如果係仇人，我有時間都唔嚟啦！呢個係好機會畀我澄清！」而榮升老闆的子善「化解恩怨」之餘，亦興奮得滿場飛，他說：「有時間會親自落場幫手。（女友幫手？）佢要返工，不過有時間都可以嚟！」

周家蔚生日天明送驚喜

而懷孕三個月的周家蔚昨日適逢29歲生日，她說：「天明尋晚離港公幹，前晚已經預先畀咗個神秘Party我，我本來諗住同Toby（梁靖琪）打邊爐，點知老公同成班朋友已經喺現場畀驚喜我！」又表示天明送上價值五位數的名牌手袋。而早前哭訴被屈與謝天華「車震」的苟芸慧表示，心情已平復。