林欣彤養病 羅孝勇問候
「小巨肺」林欣彤（Mag）前晚在唱片店舉行新碟簽名會，吸引半百歌迷捧場。聲帶傷患未痊愈的她指早前因脊骨移位求醫：「我由細到大脊骨都有毛病，因為許廷鏗識行內專家，所以之前帶咗我去睇醫生！」她透露緋聞男友羅孝勇有傳短訊問候，問到是否寫「我愛你」？她說：「唔係啦！佢寫Take Care！」
因抱恙而推了不少工作的Mag說：「好彩有儲錢習慣！（為慳錢坐男友順風車？）我搭的士，最多唔出咁多街！」在新歌《樹藤》MV中稍露事業線的她說：「有露咩？咁要多謝導演，呢個係我暫時最性感嘅MV！」
