Lynn高招防墮淫照陷阱
名模熊黛林（Lynn）早前為時裝品牌拍攝秋冬廣告硬照，大騷44吋長腿，她自認長腿是其賣點，問到男友郭富城有否讚她的一雙美腿，她說：「好耐冇聽過啦！可能慣咗，以前聽得多啲。」
談到台灣富二代李宗瑞的淫照事件，Lynn稱淫照絕不可能發生在自己身上，她認為女生不應跟不認識的男生合照，尤其做娛樂圈更要避忌，她提醒女生說：「知道係安全地方先去，唔好同唔識嘅人飲酒。（城城擔心你？）有少少擔心，我目標（身高）咁大，所以要小心啲。（試過畀人灌酒？）好耐冇，細個都試過有男仔過嚟跳舞請飲酒，但我唔會理。」她表示夜蒲一定會穿牛仔褲：「唔怕走光，有時仲可以起飛腳還擊。（有冇送牛仔褲畀城城？）有送畀男友。（城城走型格路線？）係呀﹗」
Lynn拍廣告硬照，大晒身材。
Lynn揚言絕不會成為淫照主角。