被爆靠家人搶港姐「榜首」黃心穎：唔係好事咩？
港姐今晚舉行決賽，十位候選佳麗昨日進行拜神。大戰前夕，黃心穎被爆專識富二代，更收禮、爛蒲兼食煙，但她一一否認：「食煙一定冇，錢同禮係阿爸畀，自己都有打工！（早前排行榜排頭位係家姐幫？）家人支持唔係好事咩？（鬧交唔幫搞到包尾？）冇！唔知點解會跌榜。」熱門之一的張名雅則被爆靠阿媽介紹工作兼曾墮胎，她承認有個加拿大同學男友：「不過年幾前分咗手！（有BB？）梗係冇！（墮胎？）保證傳聞係假，冇試過、肯定冇！」
擔任港姐司儀的曾志偉表示對「星後代」佳麗不會留手，問到錢嘉樂與湯盈盈雙喜臨門，他笑說：「獎門人家族喺呢年全部結晒婚，仲落晒訂……（一早知？）唔係！佢哋鬼鬼祟祟偷番薯！唔知蘇梅島個意義咁大，咁多秘密行動進行咗！（做契爺？）點契得咁多！」
志偉搞鬼地望實黃心穎，難道想讚其美貌驚為天人？
陳潔玲（中）大啖食燒肉，相比下張名雅（右）斯文得多。