新婚全智賢露Bra邊嘴扁扁
韓國女星全智賢與任達華昨日出席《apm X 「盜賊門」高手現身會》，為新片造勢。穿上泰山裝的全智賢雖不慎露出Bra邊益街坊，奈何活動時間過長，加上語言不通，令女神甚為冇癮，頻頻扁嘴兼露出腌悶神情。不過，當與小演員玩遊戲時，新婚的她即眉開眼笑，還忍不住上前攬實一名小女孩，母愛滿瀉！
席上，全智賢讚港男溫柔體貼，比韓男更好，亦讚拍檔兼好友任達華：「華哥係一個好斯文有禮嘅人，雖然只可用英文溝通，但全個劇組嘅韓國藝員都好鍾意佢。」任達華則提到戲內的激咀戲，直言當初甚為尷尬：「大家雞同鴨講，但好多韓國女士都因為呢場戲而瘋狂，試過有一團30幾人嘅韓國旅行團衝埋嚟搵我影相，搞到我個女O嘴！（可惜冇得同全智賢咀？）可以留番下一部戲。（佢老公呷醋？）你估琦琦唔投訴我咩！我拍Kiss戲，佢都有少少O嘴。」
全智賢可能語言不通關係，席上不時悶到嘴扁扁。
全智賢玩遊戲時即回復精神，與華哥玩得投入。