2粒鐘完騷認貴:Elton John都$1,888啦!

曾唱足4小時打破紅館超時紀錄的Eason,前晚的亞洲博覽館演出全長只有2小時,共獻唱23首歌,最貴的門票索價680元!「牙斬斬」的Eason搞笑地將自己與「樂壇大姑媽」Elton John相提並論,並說:「我一向票價都係咁貴,Elton John都1,888蚊啦!」記者取笑他與國際巨星相比,他即抵死地說:「我同佢都係同行啫!佢一定重過我!」對於舞台與歌迷距離甚遠,他說:「算啦!你哋睇Lady GaGa都係睇『一粒嘢』o架啦!」曾被指接「歌神」張學友班的他又出言澄清:「唔係接佢班,我同學友一齊上班!」

Eason以懷舊Look扭肥腰,總算有少少S形!