敖嘉年趕年底結婚
黎耀祥與敖嘉年等昨日宣傳無綫劇集《造王者》，有傳敖嘉年下月到加拿大結婚，他解釋下月到當地登台，與女友同行並順道探望家人及傾婚事，計劃年底拉埋，但否認奉子成婚。
而黎耀祥稱深夜有睇《巾幗梟雄》重播：「每節都有十幾個廣告好犀利，幫公司賺錢係咪要分啲佣畀我？（開《巾幗3》？）聽住先啦！」不過，《巾》劇監製李添勝否認開第三輯的報道：「作嘢！我明年二月係開劇，有預黎耀祥但冇鄧萃雯！揀女角會用新人，考慮緊賈曉晨、苟芸慧！（退休？）今年係退，只係口頭承諾無綫明年起每年拍一劇，但公司話二月要開一套，真係搵我笨！」
