林欣彤受「勇」護 新碟發布會玩合唱

「小巨肺」林欣彤昨日出席新碟發布會，仍受聲帶問題困擾的她聲音依然柔弱，當她見到緋聞男友羅孝勇現身打氣時，即刻笑到見牙唔見眼！

林欣彤（Mag）昨日出席新碟發布會，唱片公司高層吳雨及無綫高層樂易玲撐場，師兄、師姐包括古巨基及鍾舒漫等錄製祝賀短片。Mag的「巨聲幫」好友胡鴻鈞、馮允謙、吳業坤及其緋聞男友羅孝勇，更齊齊現身為她打氣，並合唱她的新歌《我愛你》，為Mag炮製驚喜，令原本沒甚表情的Mag笑到見牙唔見眼！

南京針灸有好轉

早前因聲帶疲累而失聲的Mag，受訪時聲音依然柔弱，她指早前到南京接受針灸治療後，情況已好轉：「短期內唔使再上去，依家喺香港有睇醫生，醫生話冇生繭，但個人要放鬆。」問到可會因聲帶問題而感沮喪？她說：「唔開心實有，但見到好多好錫我嘅朋友。」至於最錫她的是否羅孝勇？她甜笑說：「全部都係！（佢買幾多隻碟？）唔知，佢自己決定。（佢有冇煲湯畀你？）媽咪有，佢冇！」

Mag稱現時多留在家中休息及練歌。提到下月與容祖兒等舉行音樂會，屆時會否唱少一點？她稱交由公司安排，但一定不會咪嘴，而其公司表示Mag仍會繼續停工休息。