掟6位數撇冬甩 Alina舞E奶唱歌

有「E Cup官恩娜」之稱的何綽菲（Alina），已離開o靚模組合冬甩正式「脫模」，向歌星夢進發，更揚言要封胸Sell唱功，問到會否考慮縮胸，她笑言想倣效前輩歌手甄妮「巨胸又巨肺」！

正當大批o靚模在寫真戰中明爭暗鬥之際，身懷E Cup上圍的前冬甩成員Alina決定脫離o靚模行業，向歌星夢進發。她坦言過往「賣肉」並不開心，亦飽受家人壓力，故最近積極裝備自己，望在樂壇殺出血路：「學緊結他同唱歌，希望有機會作歌畀自己唱，暫時路線係少女味重啲。（唔會再性感？）唔會好似以前咁刻意，次次見人都騷事業線，之後會配合歌衫同場合。」

唔怕Fans變心

她暫不會再行內衣騷及泳衣騷，但E Cup上圍怎冚也冚不住，問到會否縮胸轉移視線，她說：「我會做多啲運動當練氣，但唔使縮胸，前輩甄妮巨肺又巨胸，一樣咁犀利！（跳舞大負擔？）冇影響，可能慣咗。」並表示欣賞G.E.M.年紀輕輕但唱功了得，加上懂得作歌及跳舞，可謂多才多藝！

Alina早前毅然以近6位數字金額與冬甩解約，轉投新經理人公司u-concept，經理人葉先生對她寄予厚望，大讚她有潛質，她亦承諾努力唱出名堂。對於年初仍被列入寫真成員，她沒有後悔錯過出書機會：「畀Fans睇到我轉型嘅決心！（驚流失Fans？）唔會，之前欣賞我身材嘅會繼續支持我，仲會吸納鍾意我歌聲嘅人。」