陳宛蔚獅城取「驚」畀「雞」嚇窒
監製錢國偉緋聞女友陳宛蔚（Calinda）早前到新加坡喪玩，當中最難忘到環球影城玩盡各式各樣機動遊戲，但Calinda自認膽小，身處木乃伊迷宮時一步一驚心：「其實冇咩好驚，但我同個女仔朋友都怕黑，點知後面班小朋友突然大嗌，嚇到我哋即刻狂奔！」
到新加坡自然少不了狂食！Calinda自爆在午飯時間到了四間餐廳狂擦，歎盡咖喱蟹、魔鬼魚、海南雞飯及喇沙等美食：「每餐都食得好好，除咗有日朋友話食雞精蒸田雞，我聞到都覺得香，對男仔嚟講亦好補身，但我覺得好核突冇食到。」
面對獅城璀璨夜景，陳宛蔚當然要影番張相留念啦！
陳宛蔚在環球影城與「史力加」合照。
陳宛蔚在酒店泳池暢泳，做運動之餘更可欣賞美景。