黃翠如升呢 梁嘉琪戥姊妹Happy
由有線過檔無綫的黃翠如最近拍攝新劇《心路GPS》，與相識多年的梁嘉琪飾演一對好友，猶如將真實感情搬到劇集上，兩人Keep住出雙入對，令同劇的陳展鵬亦大感驚訝，嘉琪說：「大家都唔信我哋真係Friend到咁，劇入面我睇住佢喺愛情同工作上嘅轉變，根本係做番自己！」
對於翠如過檔不久即有擔正機會，嘉琪亦戥她開心，但絕不會妒忌，她說：「翠如之前都做過女主角，今次有呢個機會，佢壓力好大，我更加要撐佢！」嘉琪最近亦機會大增，早前的TVB演員大合照更排第二行，但她仍保持謙虛：「我都入咗TVB四年幾，知道愈自我陶醉跌得愈傷，所以唔會諗。」
梁嘉琪（左）與黃翠如相識多年，終於有機會合作拍劇！
梁嘉琪（右）曾跟黃翠如到韓國旅行，慶祝相識七周年。（資料圖片）