進修無緣遇「美」男 王敏奕鬥「戲」

現年20歲的影壇新人王敏奕（Venus）早前獨自到紐約進修演技，她表示此行行程緊密，故沒有艷遇，又笑言對大隻男沒太大喜好，絕不倣效一眾港女猴擒攬肌男！

曾拍攝電影《烈日當空》及《囡囡》的女演員王敏奕（Venus），最近參演英皇電影《DIVA華麗之後》，飾演為走紅不惜犧牲一切的新人，不乏發揮機會。對電影甚有熱誠的Venus早前隻身到美國紐約進修Film Acting，逗留一個多月，令她對演戲有全新體會：「每日老師都叫我哋不停試，唔止表情，仲要注意聲線同肢體語言！而且要欣賞自己嘅特質，即使身材或者樣貌唔夠好，都要相信自己，令我自信都多咗。」

此行Venus認識了不少來自世界各地的朋友，可惜沒有艷遇，她稱全班只有3名男生，但沒發展空間，惟有上街𥄫仔：「都有好多型男，而且佢哋都習慣着好少，亦有女仔只係着Bra Top通街行！（你入鄉隨俗？）哈！冇呀！」

唔吼「肌」佬

提到早前一批A＆F肌肉男橫行香港，身在紐約的Venus表示對「肌男」不為所動，當知道不少「姊妹」猴擒攬肌男，Venus即「O」晒嘴：「我唔會攬，要有啲矜持，可能停低望吓讚兩句就走，不過一次過見到咁多猛男真係幾震撼嘅！」並表示擇偶不太着重外表，反而着重思想溝通：「細個鍾意白馬王子，但依家覺得要傾到偈，明白對方最緊要。」