單身周麗淇玩三角戀防Dry
周麗淇（Niki）一年內兩度演女警角色，本月底即將返無綫拍新劇，與黃宗澤（Bosco）及苗僑偉（三哥）上演三角關係。Niki首次拍攝30集長劇，將拍足3個月，有兩位型男相伴，她笑說：「唔使再Dry，因為有成熟穩重嘅三哥，又有少女殺手Bosco。」至於過往Bosco與劇中女演員都有接吻戲，現在對方剛甩拖，問到可會拒拍咀戲免惹緋聞？Niki說：「劇情需要會做，炒作新聞嘅嘢唔諗咁多。」她又表示現實中未試過周旋於兩男之間：「冇咁好有兩個畀我揀喎！今次一次滿足晒我，相信呢三個月我會好滋潤！」
另外，提到家姐周汶錡終宣布嫁人，Niki開心地說：「佢嫁咗我就安樂晒！」並期待家姐生BB，看到其充滿母愛的一面。
單身已久的Niki笑言在新劇譜三角戀能滿足私欲。
穿制服的Niki演女警似模似樣，相信角色會相當「入屋」！（資料圖片）