黃建東搵影帝奇雲教「戲」功

前港男黃建東（Derek）加入無綫娛樂新聞台擔任主播數月，但對唱歌演戲興趣極濃的他，一直未有放棄自我增值，他說：「我閒時有參與戲劇工作坊，希望學多啲演出技巧，試過上奧斯卡影帝奇雲史柏西（Kevin Spacey）嘅工作坊，一對一接受佢指導，當日我仲膽粗粗揀段《李察三世》嘅獨白演畀佢睇！Kevin睇完都有讚我，仲畀咗好多意見，對我日後演戲有好大幫助，仲教我要勇敢企喺台上面對觀眾。經過佢嘅鼓勵，我都變得好勇敢，雖然佢行程好趕，但我都偷雞同佢影咗張合照！」

黃建東（左）獲偶像奇雲鼓勵，學會勇敢面對觀眾。