劉浩龍開餐搵阿媽頂女友

劉浩龍(師兄)前晚相約媽咪及助手品嘗日式串燒,未見女友容祖兒相陪!當晚九時許,拍劇受傷的師兄搭着媽咪膊頭,一拐一拐地步出食店,兩母子邊行邊傾取車。師兄一臉痛苦地慢慢移動身體坐上司機位旁邊。師兄早前與祖兒撻着時亦曾幫襯相隔數條街的另一家串燒店,看來他對串燒情有獨鍾。

另外,金剛前日亦做孝順仔,帶同由台灣來港的母親、妹妹及妹夫前往銅鑼灣掃貨,全程如同男伴遊般帶隊穿梭商場。記者其後致電金剛,問到有否帶緋聞女友蔡慧欣見家長?他笑說:「緋聞嚟啫!媽咪唔會問我感情事,更加唔會催我拍拖,因為阿妹十二月都結婚,佢唔得閒理我。」

受傷的劉浩龍(中)沒有女友相伴,惟有做孝順仔陪媽咪。