Stephy負傷搵人仔

日前入院做手術治療「拇趾外翻」的鄧麗欣（Stephy），本要休息個多月養傷，但她前晚已復工，忍痛到深圳出席簽名會，慶幸可以坐足全程！

飽受「拇趾外翻」困擾多年的Stephy，早前的起心肝入院做手術，醫生吩咐她休養個多月。不過，出院不夠一星期的她，前晚竟忍痛到深圳出席簽名會，慶幸大會非常體貼，安排她坐下唱歌及簽名，以免弄傷「痛腳」。

對於未有乖乖休息，Stephy在電話中說：「個活動係之前應承落，大會亦安排得好好。我有帶埋醫生畀嘅護腳箍，以備不時之需！」她還要完成稍後舉行的廣州簽唱會才能真正休息：「抖到9月底先開工，期間要做物理治療。」

此外，有報道指Stephy與方力申秘婚兩年後離婚，Stephy在微博上吐心聲：「對無聊報道一笑置之，今次包含黑心同咀（詛）咒，不得不說一聲謝謝，還好正能量應付到。」而小方則無奈地說：「依家啲新聞不停轉載，澄清咗都冇人理！」

否認結過婚

問到是否情未變，小方說：「一向都係咁o架啦！」他表示雖未有結婚打算，但將來結婚一定會公布，並笑言在行內朋友多，擺酒肯定冇蝕底！問到知否Stephy入院做手術，他大方地說：「係我送佢入院o架！」證明二人感情穩定！