35E白雲開心笑女

擁35E巨胸的神獸天使白雲十足開心果，但原來她來港初期曾經歷一段人生黑暗期，終日遭同學欺負排擠！幸樂觀的她咬緊牙關面對，難怪她想拍一套有關新移民的紀錄片，為同路人帶來正能量！

神獸天使白雲（小白）靠遊戲節目《五覺大戰》成功出位，雖然節目已曲終人散，但其35E巨胸依然令人留下深刻印象！沒有簽約TVB的她獲前輩曾志偉及錢嘉樂提攜，有份參與搞笑節目《玩轉三周1/2》，她亦希望繼續有機會拍劇及拍戲，讓在大學修讀電影系的她可發揮演技。

呼籲放下歧視

問到最想參演哪類電影？開朗玩得的小白首選並非笑片，而是有意思的紀錄片：「最想拍一套關於新移民嘅電影，因為我17歲先嚟香港，好體會佢哋嘅苦況，希望電影令大家明白，唔好歧視新移民！」

現在小白笑面迎人，但剛來港的頭幾年絕對是人生低潮，終日遭同學排擠，令她變得自閉寡言：「我細個喺內地住嗰陣好開心，但嚟到香港，我完全唔識廣東話，連電腦都冇，同同學溝通唔到，仲畀佢哋蝦，之後同個轉校生拍拖，其他同學都唔抵得，我變得好自卑！」因朋友不多，她在生活上亦遇到很多問題，例如沒有人助她辦理證件，亦曾因不明白手機計劃而多交數千元電話費！幸中學畢業後，她考入公開大學，認識一班友善新同學，終重拾昔日笑臉。

扮醜都冇問題

對於外界只留意其豐滿身材，小白擔心被局限發揮：「我對演技幾有信心，仲好有表演欲o架！細細個已經鍾意對住塊鏡整古做怪，幻想自己係唔同嘅角色，做啲表情動作仲講埋對白！（扮醜？）冇問題o架！最緊要令大家開心！」

Profile

姓名：白雲（Snowy）

年齡：24歲

三圍：35E、24、34

身高：1米65

體重：50kg

簡歷：去年參加港姐被封為「怪胸人」，落選後被錢國偉睇中任「Chok之天使」吹波糖，今年冧莊擔任「神獸天使」的「講唔猿」，因擁有E Cup上圍及廣東話不純正而備受注目。