孕味盈盈開工冇態
錢嘉樂日前宣布年底娶湯盈盈，並默認盈盈已懷孕。昨晨盈盈拍新劇只穿短踭鞋，明顯腰肢圓潤，但木無表情，問到是否心情不好，她笑說：「唔係。（以為你同嘉樂拗撬？）你哋好多以為。（搬屋？）好多嘢未定。（幾時擺酒？）未定。」她坦言現時容易感到疲累，對於嘉樂變「愛妻號」？她說：「都要啦！佢不嬲都乖，我哋唔使開工會留喺屋企。」對於被影到買魚生？她說：「係，但唔係我食。」
至於錢嘉樂兄長錢小豪是從報章得知喜訊，錢母則透過電話說：「佢冇同我講。（鍾意盈盈？）個仔鍾意我就鍾意！（雙喜臨門？）如果係真更開心，依家有個女人服侍佢我都好開心！」
