劉嘉玲艷壓候選港姐
劉嘉玲昨日出席《2012香港小姐競選》記者會，與其餘四位評判首次跟十位候選佳麗會面，嘉玲艷光更勝佳麗，但她說：「唔會啦！佢哋仲細啫！我好似佢哋咁嘅年紀，都好驚青，讀訓練班嗰時有導師叫我去選美，但我過唔到着泳衣個心理關口。（驚去選美識唔到梁朝偉？）我覺得揀邊條路都一定識到嘅！（會唔會對有親戚係娛圈中人嘅佳麗畀高分？）唔會，評審準則係美貌與智慧並重。」她又說有興趣返無綫拍劇：「有適合嘅都有興趣，唔係講錢，係講感情。（想同偉仔合演？）同佢咪即係我旺佢？我幾鍾意黃宗澤，覺得佢幾有星味同殺傷力。」
湯鎮業姪女湯洛雯則不認為評判會偏心，她說：「參選以來一直被人講，慣咗！今日見到影后（劉嘉玲），好緊張。（細個冇叫爹哋帶你見明星？）好少，我怕醜！」
劉嘉玲
湯洛雯坦言見到劉嘉玲就緊張。