容祖兒：幾貴都值回票價
樂壇「大姑媽」Elton John再來港開騷，雖然票價不菲，但不少香港藝人認為是物超所值，準備12月到會展捧場。
容祖兒：梗係想睇啦，最緊要喺嗰日唔使開工就得喇！Elton John係樂壇殿堂級人物，而且都有好多年未嚟香港開騷，所以，就算啲飛有幾貴都值回票價。
鄭融：有興趣呀！Elton John已成為一個Icon，好欣賞呢位前輩，好想跟佢學習歌藝同舞台上嘅演繹，雖然最貴嘅飛要賣到成千八蚊，但以佢嘅級數係值回票價唔使飛去外國睇已經慳咗錢同時間。
丁子高：有機會都想睇，自己都有興趣，但12月比較忙，唔知有冇時間，覺得佢係一代巨星，咁大Artist，1,888票價好抵，香港睇演唱會唔太貴，如果喺日本閒閒哋要幾千蚊。
容祖兒
鄭融
丁子高