林欣彤南京針灸

「小巨肺」林欣彤前晚到旺角為新片《DIVA華麗之後》造勢，被失聲問題困擾多時的她透露，早前已到南京接受針灸，但仍需靠做口形答問題，消瘦不少的她更幾乎隱沒在人群當中。

林欣彤（Mag）前晚現身旺角，為有份主演的英皇電影《DIVA華麗之後》造勢，並聯同該片拍檔陳家樂及王敏奕（Venus）齊齊派糖謝票，吸引大批Fans圍觀，令現場擠得水洩不通！

家樂透露近兩晚走訪香港各區共八間戲院謝票，大讚市民熱情，他們還順道歎了不少美食：「我哋仲周圍食嘢，試咗好多地道美食，好似參加咗旅行團咁！」最近Mag備受失聲問題困擾而消瘦不少，加上穿平底鞋，幾乎隱沒在人群當中，而她亦只能做口形答問題，身邊的家樂不時幫口代答。

影響工作感內疚

Mag透露早前得師姐容祖兒介紹，到南京找醫師完成七日針灸療程，但仍未痊愈：「歌星失聲好慘，好擔心影響最近嘅電影宣傳同埋之後嘅工作，我覺得好內疚！」她直言花了不少心機演出《DIVA》，因此堅持出席謝票活動，問到損失多少收入？她擰擰頭表示沒有問公司亦不敢去想。

提到近日的台灣淫照事件，家樂及Venus均表示不知情，問到Venus會否擔心到夜店時會中招？家樂即搞笑搶答：「唔驚，佢唔蒲o架！唔會亂飲嘢！只會不停搵嘢食。」