Celia K.胸降沙灘

熱愛陽光與運動的模郭穎兒是沙灘常客，雖然經常穿性感比堅尼享受日光浴，更憑火辣身材成功吸引沙灘上的異性喪(目及)及搭訕，但她對「飛來蜢」沒有興趣，更不時請「食檸檬」。

要數圈中運動型女生，不得不提今年首次推出寫真集的陳靜師妹郭穎兒（Celia K.），別看她外表斯斯文文，原來是一名運動健將，水陸運動幾乎樣樣玩齊。她坦言平日愛與陽光玩遊戲，入行前更經常去沙灘曬太陽，且熱愛水上活動︰「我之前成日去滑水同曬太陽，除咗曬到好黑，滑水仲撞到周身傷，不過入咗行就少啲機會。」

擁有C Cup上圍的Celia K.穿比堅尼「胸」降海灘，難免成為男士的「掃描」目標，她坦言不介意被喪(目及)，還自爆日光浴時曾有男生主動搭訕︰「着比堅尼去沙灘預咗畀人望，我唔介意，之前去曬太陽嗰陣有男仔愈坐愈埋，仲撩我傾偈，不過當時得我自己一個，所以冇理佢。」

齋玩冇下文

雖然請人「食檸檬」，但她並非每次都冷漠對待搭訕者︰「如果我同成班朋友一齊，有人邀請我哋一齊玩，都唔會拒絕，因為感覺安全啲。」她曾應男生邀請玩沙排大戰，在沙灘上激戰近一小時，雖然玩得非常開心，但她強調這次純粹玩耍，未有想過與男生交換聯絡方法，她說：「只係嗰次大家喺沙灘一齊玩，玩完我就走咗，大家冇再聯絡，真係冇諗過同佢哋會有下文！」

Profile

姓名︰郭穎兒（Celia K.）

年齡︰24歲

三圍︰33C、24、33

簡歷︰入行做模特兒多年的她今年簽約師姐陳靜的模特兒公司，除今年推出首本寫真《Missing Celia K. 》外，更踩入影圈拍戲作多方面發展。