風頭火勢訪港 吉澤再玩快閃

釣魚島主權問題成為熱話,日本AV女優吉澤明步為免中日問題進一步升溫,昨日突然「射波」缺席活動返日。原定為時尚造型學府開業宣傳的她,只逗留短短五分鐘交差,在未有通知大會下快閃。主辦單位怒斥吉澤欠缺藝人操守:「吉澤本來會接受傳媒訪問,但表明唔回應有關中日問題,估唔到佢經理人臨時以趕飛機為由,活動未開始就拉走吉澤,我哋公司以後都唔會再同吉澤明步合作!」該化妝學校原本贊助吉澤拍攝內地微電影《我愛草食男》造型,隨着今次事件,合作一併告終,勢影響她來華發展機會。因吉澤的微電影為今次主辦活動之贊助商,她未能完成贊助商之宣傳工作,昨日活動發言人稱如有損失,將保留追究權利。

而本應在場的林敏驄亦缺席,記者致電他時更死撐在場,問到是否認識吉澤?他說:「我都唔睇AV,唔識吉澤明步,四大名捕就聽過。(話吉澤怕答釣魚島問題而快閃!)我唔知呀!我都唔釣魚嘅!」

吉澤明步以趕搭飛機為由,僅現身五分鐘便鬆人。