江欣燕：妖女收服Bad Boy

盈盈樂樂宣布結婚獲全城祝福，老友江欣燕昨日錄影無綫節目時透露從報章得知喜訊：「一陣會Send短訊恭喜佢，都幾開心，因為目擊佢哋嘅戀愛過程，完全係妖女收服Bad Boy，浪子都收埋檔！」問到送甚麼禮物給兩人，欣欣說：「未諗好。（奶粉？）使唔使啊！佢梗係餵人奶，仲有碘添！但我就唔生，過晒生仔年齡，二人世界仲開心！」同場的DJ范振鋒則表示早上聯同薛家燕連線訪問盈盈，對於被盈盈搶先有喜，阿范笑說：「係啦！我快過佢結婚。（你都快啲追番個？）邊得，要搞都減咗肚腩先，未得閒！」

身為錢嘉樂好兄弟的洪天明前日在微博竟問兩人「甚麼情況」，又搞笑地詢問「真的結婚啦？」顯然對好友婚訊一頭霧水！

范振鋒與江欣燕戥盈樂「雙喜臨門」高興。